إزاي تقرا عمق السوق والصفقات
طلبات الشراء وعروض البيع والصفقات واحدة واحدة: بتقول إيه، وإيه اللي ما بتقولوش.
طلبات الشراء وعروض البيع
طلبات الشراء ناس مستنية تشتري بسعر معين أو أقل، وعروض البيع ناس مستنية تبيع بسعر معين أو أعلى. كل سطر فيه السعر، والكمية اللي عنده، وعدد الأوامر.
أعلى طلب شراء وأقل عرض بيع هما أقرب سعرين لبعض، والفرق بينهم اسمه السبريد. في الأسهم اللي سيولتها عالية السبريد صغير، وفي الأسهم الخفيفة ممكن يبقى كبير.
الصفقات
كل سطر في الصفقات اتنفذ فعلا: الوقت، والسعر، والكمية.
الأخضر بالسهم ▲ يعني المشتري هو اللي استعجل واشترى من على عروض البيع. والأحمر بالسهم ▼ يعني البايع هو اللي استعجل وباع على طلبات الشراء.
لو أغلب الصفقات خضرا والسعر طالع، المشترين هما اللي ماسكين الدفة. ولو حمرا والسعر نازل، يبقى العكس.
خلي بالك
الأوامر في العمق ممكن تتلغي في أي لحظة. أمر كبير على طلبات الشراء ممكن يختفي أول ما السعر يقرب منه، فما تعتبروش وعد.
الصفقات أصدق من العمق، لأنها فلوس اتدفعت فعلا.
الأسعار على الموقع متأخرة عن البورصة حوالي ثانية ونص، وللعرض بس.
كل اللي هنا شرح عام، مادة تعليمية، ليست توصية بالشراء أو البيع.