سياسة الاسترجاع

أول اشتراك: 7 أيام استرداد كامل

لو اشتركت في باقة مدفوعة لأول مرة وما عجبتكش الخدمة، تقدر تطلب استرداد المبلغ كامل خلال 7 أيام من يوم الدفع، من غير ما تقولنا السبب.

بعد الـ 7 أيام

المبلغ ما بيترجعش، والاشتراك بيفضل شغال لحد آخر المدة اللي دفعتها. ولأن مفيش تجديد تلقائي، مفيش أي خصم تاني من غير ما تدفع إنت بنفسك.

التجديد

الاسترداد الكامل خلال 7 أيام بيكون لأول اشتراك بس. لو جددت ولقيت مشكلة في الخدمة نفسها، كلمنا ونوصل لحل.

لو الخدمة وقفت عندنا

لو التحليل ما اتنشرش أكتر من 3 أيام تداول ورا بعض بسبب مشكلة عندنا، بنمد اشتراكك بنفس عدد الأيام من غير ما تطلب.

حالات مفيهاش استرداد

• لو الحساب اتوقف بسبب مخالفة الشروط والأحكام، زي نشر البيانات أو مشاركة الحساب.
• لو طلب الاسترداد جه بعد 7 أيام من الدفع.

إزاي تطلب الاسترداد

• كلمنا من صفحة تواصل معانا من الإيميل اللي مسجل بيه، واكتب تاريخ الدفع أو رقم العملية.
• بنرد خلال يوم عمل، والاشتراك بيقف أول ما الاسترداد يتعمل.
• المبلغ بيرجع لنفس وسيلة الدفع اللي دفعت بيها عن طريق Kashier، وبيوصلك خلال 7 لـ 14 يوم عمل حسب البنك أو المحفظة.