موجات إليوت في 5 دقايق

الفكرة

إليوت لاحظ إن الأسعار ما بتمشيش في خط مستقيم. الاتجاه بيتحرك على 5 موجات: 3 مع الاتجاه (1 و3 و5)، و2 بيصححوا عكسه (2 و4).

بعد الخمس موجات بييجي تصحيح أكبر من 3 موجات، اسمهم A وB وC.

الفايدة إنك لو عرفت السهم في أنهي موجة، تعرف تقريبا إيه اللي ممكن ييجي بعدها. تقريبا مش أكيد: ده احتمال، مش وعد.

3 قواعد ما بتتكسرش

الموجة 2 ما تنزلش تحت بداية الموجة 1.

الموجة 3 مستحيل تكون أقصر واحدة في الموجات 1 و3 و5.

الموجة 4 ما تدخلش في منطقة الموجة 1.

لو السعر كسر قاعدة منهم، العد كله غلط. ومن هنا بييجي مستوى الإلغاء اللي بتشوفه جنب كل تحليل على الموقع.

الفريمات

نفس السهم ممكن يكون في الموجة 3 على اليومي وفي الموجة 4 على الأسبوعي. كل فريم ليه مداه: اليومي أيام لأسابيع، والسنوي سنين.

عشان كده الموقع بيعد كل سهم على خمس فريمات، وكل فريم بمستوياته لوحده.

على الموقع

في صفحة كل سهم، كل فريم ليه كارت فيه الموجة الحالية، ومنطقة الدخول، والأهداف، ومستوى الإلغاء. ولو جنب الموجة مكتوب (لسه بتتكون) يبقى الموجة ما خلصتش.

وترتيب صفحة التحليل فيه بس الأسهم اللي مستوى الإلغاء فيها وقف خسارة حقيقي.